Déi gréng kritiséiere virop d'Verlängerung vun de staatlechen Hëllefen op Diesel, Mazout a Bensinn. Eng Mesure mat där den Eenzele grad emol ëm 17,50 Euro d'Joer entlaascht gëtt, wann en 10.000 Kilometer mam Auto fiert, rechnen déi gréng.
Et wier wichteg de Leit finanziell ënnert d'Ärem ze gräifen, mee mam Tankrabatt géife falsch Ureizer geschaf ginn. D'Ëmklammen op d'Elektro-Mobilitéit géif doduerch méi schwéier ginn.
Manner TVA op Liewensmëttel
Déi gréng verlaange konkret sozial Entlaaschtungen duerch Steierkreditter, eng weider Reduktioun vum Stroumpräis an d‘Erofsetze vun der TVA op Liewensmëttel an aner Wueren déi een am Alldag brauch.
DP hat sech bei dëser politescher Rentrée de Klimaschutz grouss op de Fändel geschriwwen.
