Lufthansa kritt Zouschlag fir Deel vu portugisescher Staatsairline Tap ze kafen

Fluchverkéier

14.10.2026 - 15h15

Lufthansa kritt Zouschlag fir Deel vu portugisescher Staatsairline Tap ze kafen

Déi däitsch Fluchgesellschaft krut den Accord fir 44,9 Prozent vun der portugisescher Staatsgesellschaft ze kafen. Dat ganzt fir e Präis vun 1,2 Milliarden Euro. Domat huet sech d'Lufthansa géint KLM duerchgesat. Dat huet de portugische Premier Luís Montenegro haut annoncéiert.

1 min

(Foto: EPA/MARIO CRUZ)

D'Decisioun iwwer den Zouschlag huet de portugisesche Staat getraff.

Deen hält och d'Majoritéit vun de Parten un der Fluchgesellschaft. D'Tap (Transportes Aéreos Portugueses) huet méi wéi 100 Fligeren a ronn 9.400 Salariéen.

D'Tap ass fir Portugal besonnesch wichteg, well se d'Land mat direkte Flich a Südamerika - virun allem Brasilien - verbënnt.

Vente ass nach net ganz an dréchenen Dicher

Och wann de portugisesche Staat der Lufthansa säin Accord ginn huet, heescht dat nach net, datt de Verkaf ganz ofgeschloss ass. D'EU-Kommissioun muss nach hire "Go" ginn.

Dat kéint bis zu zwee Joer daueren. Deemno kéint en endgültegen Ofschloss vum Geschäft erréicht 2028 erreecht ginn.