Gréng Luucht an der Chamber: Munneref kritt neie Schoulcampus mat véier Schoulen

Educatioun

Gëschter - 16h02

Gréng Luucht an der Chamber: Munneref kritt neie Schoulcampus mat véier Schoulen

Munneref kritt en neie Schoulcampus mat enger internationaler Schoul an engem Internat. De Gesetzesprojet vun der DP-Ministesch fir ëffentlech Bauten Yuriko Backes huet de Mëtteg an der Chamber gréng Luucht kritt.

1 min

(Foto: Adobe Stock)

Op dee Campus, um Site "Um Gréimelter", soll nieft dem internationale Lycée och eng europäesch Primärschoul, e Lëtzebuerger Lycée an eng Beruffsschoul kommen. Deen neie Campus zu Munneref ass fir ronn 1.700 Schüler an 78 Klasse geduecht. D'Internat kritt 43 Zëmmeren.

A fënnef Joer soll de Campus stoen

Dat Ganzt soll ronn 210 Milliounen Euro kaschten an d'Aarbechte sollen Enn d'nächst Joer ufänken. Den neie Schoulcampus soll da fir d'Schoulrentrée 2031 fäerdeg sinn.