Fir déi véierte Kéier hannereneen: Radio 100,7 esou vill Nolauschter:inne wéi nach ni

TRAIL-Sondage

30.09.2026 - 12h00

Fir déi véierte Kéier hannereneen: Radio 100,7 esou vill Nolauschter:inne wéi nach ni

40.200 Leit aus Lëtzebuerg lauschteren de Radio 100,7 am Schnëtt all Dag. Dat si 7 Prozent vun de Residenten iwwer 16 Joer. Am Verglach mam leschte Joer sinn dat 6.900 Mënsche méi, déi den ëffentlech-rechtleche Radio lauschteren.

1 min

(Foto: Radio 100,7)

Et ass déi véierte Kéier hannereneen, datt de Radio 100,7 säin eegene Rekord klappt.

Wärend der Woch lauschtere gutt 11 Prozent vun de Lëtzebuerger Residenten dës Antenn. Mam Weekend agerechent sinn et 10 Prozent.

Op de Mount gekuckt erreecht de Radio 100,7 eng 122.800 Mënschen, also 21,3 Prozent vun der Populatioun.

Fir dës Etüd goufen eng 4.000 Mënschen interviewt.

Succès fir den Opus 100,7

Och fir den Opus 100,7 goufen Interviewen duerchgefouert, awer just 2.000. Déi weisen awer, datt de Radio fir klassesch Musek all Dag 7.900 Persounen erreecht. Iwwer eng ganz Woch gekuckt sinn et der 17.700, also 3,1 Prozent vun de Lëtzebuerger Residenten.