An enger griichescher Ëmfro bei Schülerinnen a Schüler, hat ee Véirel vun hinnen uginn, déi sozial Medien iwwerméisseg ze benotzen. Dowéinst wier et och Zäit "sech mat enger méiglecher digitaler Ofhängegkeet" ze beschäftegen, esou nach de liberal-konservative Staatsminister Skertsos.

Bei Verstéiss säitens de Plattforme sollen déi europäesch Kontroll- a Sanktiounsmechanisme gräifen. Deemno kéinten da Geldstrofe vu bis zu sechs Prozent vum globale Joresëmsaz fälleg ginn.

E Virbild fir Lëtzebuerg?

Déi delegéiert Medieministesch Elisabeth Margue (CSV) hat sech am September fir e Social Media Verbuet fir Jonker an der EU ausgeschwat.

Dat wier Deel vum "EU Kids Act", deen d'EU-Kommisioun leschte Mount proposéiert hat. Dee gesäit ënner anerem e Social Media Verbuet fir Jonker ënner 13 Joer vir. Iwwer d'Propos diskutéieren d'EU-Parlament an d'Memberstaaten den Ament nach.