Seng Aussoe wieren esou opgefaasst ginn, wéi wann hien dem US-President Donald Trump hätt wëlle widderspriechen, huet de Poopst Leo XIV. erkläert. “Dat läit iwwerhaapt net a menger Absicht”, esou de Chef vun der kathoulescher Kierch.

Nach keng Reaktioun vum US-President

Vum Donald Trump, deen de Poopst no deem senge Friddensappeller kritiséiert hat, gouf et bis elo kee Kommentar dozou. Den US-President hat dem Poopst ë.a. eng “schrecklech Aussepolitik” virgehäit.

Den oppene Sträit tëschent dem US-President an dem éischte Poopst aus deen USA hat iwwer Deel weltwäit fir Schlagzeile gesuergt.

Leo XIV. wëllt Sträit net ausufere loossen

Op sengem Fluch an Angola – där drëtter Statioun vu senger laanger Afrika-Rees – huet de Leo XIV. sech elo iwwerraschend u Journaliste geriicht. Verschidde vu sengen Äusserunge wieren net an allen Aspekter korrekt gedeit ginn, huet hie gesot.

Allgemeng gouf dat als Versuch ageschat, de Sträit mam Donald Trump net ausuferen ze loossen.