De Vulkan Ätna op Sizilie späizt weider Lava: Luxair Vol op Catania annuléiert

Italien

Gëschter - 17h36

De Vulkan Ätna op Sizilie späizt weider Lava: Luxair Vol op Catania annuléiert

De Fluchhafe vu Catania op Sizilie bleift zou. All d'Departen an d'Arrivée si bis muer 14:00 Auer wéinst dem Ausbroch vum Vulkan Ätna annuléiert. Et ass net auszeschléissen, datt de Fluchstopp nach verlängert gëtt. Och Lëtzebuerg ass betraff.

1 min

(Foto: EPA/ORIETTA SCARDINO)

D‘Luxair-Volle vun de Mëtteg op Catania an duerno rëm zréck sinn annuléiert. Dofir fléien zwou Maschinnen op Palermo an zréck, amplaz eng.

Wéi d'Luxair eis matgedeelt huet, ginn d‘Passagéier iwwer d‘Strooss oder d‘Schinne vu Palermo op Catania bruecht. Weider heescht et, dattfir d‘Leit, déi do sinn, keng Gefor oder Sécherheetsrisiko besteet.

Lava, Äschen an Damp

De Vulkan op der italieenescher Mëttelmierinsel Sizilien ass zënter leschte Freideg nees amgaangen, Lava, Äschen an Damp auszestoussen. Zënterhier ass dofir de Loftraum ronderëm gespaart, Dausenden Touriste sëtze fest.

Vill Touriste kommen awer och grad wéinst dem Ätna op Sizilien, fir do bei Visittes guidées op de Vulkan matzemaachen.