Zu Cattenom kéinte modern Dronen ouni Problem d‘Mauere vum Gebai duerchbriechen, wou déi ofgebrannte Brennelementer gelagert sinn. Dat kéint katastrophal Konsequenzen hunn a méi Radioaktivitéit fräisetze wéi zu Tschernobyl.
Jee no Wiederlag misste grouss Deeler vu Lëtzebuerg, dem Saarland a Rheinland-Pfalz evakuéiert ginn.
D‘Anti-Atomnetz Tréier fuerdert d‘Regierunge vu Lëtzebuerg, Mainz a Saarbrécken op, datt si vun de franséischen Autoritéiten en direkte Stopp vun der geplangter Lafzäitverlängerung vu Cattenom verlaangen.
